- 553 -

1425. Jan. 26. Liegnitz.

Herzog Ludwig thut kund, dass er den Bürgern von Liegnitz erlaubt hat, Lehngüter zu Erbe und zu eigenem Rechte zu kaufen.

Wir Ludowig. von gotis genaden herczog in Slezien czu Legnicz vnd czum Brige bekennen vnd tuen kunt vffuntlichen mit diesem briue allen deen, die een sehn adir hoören lezin, daz wir anegesehn habin getrue, aneme, stete vnd willige dienste, die vns vnsere lieben getruen burgermeister, rathmannen, eldestin, gesworen vnd die gancze gemeynde vnser stat Legnicz merglich getan haben vnd zo manchfeldiclichen beheglichin vns zuhulffe komen seind, hierumbeen habin wir mit rate vnser eldestin liebin getruen von sunderlichen vnsern furstlichen gnaden vor vns, vnsere erben vnd nochkomen erbherren czu Legnicz sulche gnade getan vnd vorschaffet, gegebin vnd vorlegen, die wir en auch itczund incraft diesis briues vorleien, waz die obgenanten vnsere burger vnd eyn iclicher besund ern vnser stat Legnicz, leengutter zu erbe adir zu eigenem rechte keuffen vnd noch keuffin worden, das wir die een vnd eren nochkomen, burgern czu Legnicz von vnsern, vnsere erben vnd nochkomen wegin erbherren zu Legnicz vnd zum Goltberge, in allen den obgenanten landen vnd steten leien vnd reichen wellin an allis beswernisse vnd zu den selbegen rechten, alz die dan von alders gelegen seind. Dach vnschedelichin vnsern furstlichen leen vnd rechten, die wir vns, vnsern erben vnd nochkomen dorynn behaldin. Des zu ewiger sicherheit habin wir diesin brieff mit vnserm grossen ingesegile heyssen vorsegiln. Gebin czu Legnicz am donrstage sand Pauli conuersionis noch Crists gebort vierczenhundert vnd dornoch in dem fumffvndczwenczigsten jare. Dobey sind gewest vnsere liebin getruen her Nickil Stewicz, George Vnrwe, Heinrich von Gebelczk, Adam Falkinhain, Hannos Leubin, Heinrich Schellindorff vnd Johannes Bawde vnser schreiber, dem dieser vnser brieff entfolin warth.

O. d. St. L. No. 302. Das Siegel an Schnüren von rother Seide. — Bitschens Privilegb. f. CXVIII b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866